På rømmen i dusteland

.

Paa roemmen i dustelandElina bur i byen saman med mor og far, og livet er fint. Ho har ei bestevenninne som ho leikar med kvar dag, heilt til ho ein dag får vite at mor og far har bestemt at dei skal flytte, ut på landet, Dustelandet. Elina har ikkje lyst til å bu på landet, men det betyr tydelegvis ikkje noko, det er ingen som spør henne.

Når dei kjem til det nye huset visar det seg at det ikkje bur nokon andre barn i nærleiken, nesten ingen folk i det heile tatt faktisk, anna enn ei gammal dame som er så krokrygga at nesa nesten subbar i bakken og gressklipparmannen, som snart visar seg å vere verdas verste barnevakt. Løysinga er openbar, Elina må rømme. Ei vill flukt startar og etter ho kjem barnevakta, ein allergisk hund, ein fiolindetektiv og ein gjeng bartebrødre.

Boka er spanande, fartsfylt og morosam og viser med all tydeleghet at det slett ikkje alltid er barna som er mest barnslige og gjer rare ting. Forfattar: Cathrine Myhre Solbjør.

Sommaren og sommarles er i gang, og dette er ei knakande fin bok for høgtlesing i verandakroken eller på sengekanten.

Havard Bjørnelv, Giske folkebibliotek

Er boka ledig ved Ålesund bibliotek?

 Ålesund bibliotek | Besøksadresse: Rådhuset, Lavblokka 2. etg. | Tlf: 70 16 22 60 | E-post:
Spjelkavik filial | Moa helsehus | Tlf: 70 16 45 30 | E-post: