Me before you

.

Me before youFilmen er basert på suksessromanen «Et helt halvt år». I ein liten engelsk landsby møter vi 26 år gamle Lou Clark. Kjærasten hennar er for det meste oppteken med heseblesande trening og Lou sjølv er nettopp blitt arbeidsledig.

Ho jaktar på ny jobb og svarar på ei annonse om å bli ei slags selskapsdame for ein ung mann som er lam frå brystet og ned etter ei bilulukke. Den unge mannen, Will Traynor, tidlegare ein vellukka forretningsmann, er humørsjuk og vanskeleg. Han strevar med livet og vil berre gi opp. Men i motsetnad til familien hans nektar Lou å gå på tå hev, og hennar sprudlande humør vert etter kvart vanskeleg å ignorere for Will. Han tinar opp og vert fasinert av den positive og livsglade Lou. Saman opplever dei ei tid full av forandring, og både livet og hjarta deira vert endra på ein måte dei aldri hadde trudd skulle vere mogeleg.

Dette er ein varm og inderleg film fylt av romantikk, sentimentalitet og også ein dose humor. Vi må berre gi oss over og la tårene renne.

Svært ofte er det slik at har ein lese boka, vert ein ofte skuffa når ein ser filmen. Men ikkje her, tykkjer eg. Sjølvsagt er viktige ting i boka utelate, men som romantisk  film er dette ein av dei finaste eg har sett.

Aldersgrense: Tillatt for alle

Hilde Alvestad, Sykkylven bibliotek

Er filmen ledig ved Ålesund bibliotek?

Tags: Filmatisert bok Kjærlighet

 Ålesund bibliotek | Besøksadresse: Rådhuset, Lavblokka 2. etg. | Tlf: 70 16 22 60 | E-post:
Spjelkavik filial | Moa helsehus | Tlf: 70 16 45 30 | E-post: