Aktuelt

Opprett nasjonalt lånekort heimafrå

No kan du opprette eit digitalt nasjonalt lånekort heimafrå. Kortet gir deg tilgang til e-bøker og e-lydbøker, både på norsk og engelsk, og biblioteket sine digitale tenester, som f.eks. Filmbib.

Skjema for nasjonalt bibliotekkort

Kortet blir til slutt godkjent gjennom den digitale ID-porten, m.a. bankID.

Når du har fått eit nasjonalt lånekort, kan du logge deg inn på Mi side for å kome i gang. Her får du oversikt over digitale tenester, opplysningane dine og kva du har lånt.

Ønsker du å låne e-bøker og e-lydbøker? Slik kjem du i gang.
Les meir om dei digitale tenestene her.
Treng du lesetips? Sjå bokanbefalingar for vaksne, ungdom og born, bøker om film og spel her.
 
NB:
Ålesundsbiblioteka er stengt grunna koronaviruset. Når biblioteket opner, må det digitale lånekortet bli aktivert på biblioteket for at du skal kunne låne med deg bøker heim. Ta med gyldig legitimasjon.

  • Treff: 93

Påsketilbud: drive-in bibliotek

 

Biblioteket vil tilby våre faste lånarar å bestille bøker til påske.

Bestill bøker på e-post:

Ålesund bibliotek:
Moa bibliotek:
Brattvåg bibliotek:
Skodje bibliotek:
Harøy bibliotek:

Bestilling kan ringast inn til Moa kl. 10-12 på tlf 70 16 45 30 og til Harøy bibliotek på tlf. 70 16 57 46. Bestilling kan sendast på sms til tlf. 47 68 20 67eller ved bruk av Messenger (Facebook) til Brattvåg bibliotek.

Oppgi:

Lånarnummer:
Namn:
Kva du ønskjer å låne:
Henteavdeling:

Bestillinga må vere sendt på e-post til oss seinast torsdag 2. april kl. 10. Maks ein pose bøker per lånar.

Vi kan ikkje garantere at vi har bøkene du vil låne akkurat no, men plukkar gjerne ei anna god bok til deg! Viss du har materiale som står på hentehylla som du har fått melding om, kan du inkludere dette i mailen.

OBS! Berre dei som tek kontakt på førehand, får hente bøker.

Bøkene blir gjort klar til deg og lagt i posar. Dei kan hentast i desse tidsromma utanfor biblioteket eller i inngangspartiet til biblioteket:
Ålesund bibliotek og Moa bibliotek: torsdag 2. april kl. 12-15, fredag 3. april kl. 12-15, måndag 6. april kl. 12-15.
Harøy bibliotek: fredag 3. april kl. 12-15.
Brattvåg bibliotek: torsdag 2. april kl. 14-16, fredag 3. april kl. 14-16.
Vatne bibliotek: torsdag 2. april kl. 16-18, fredag 3. april kl. 16-18.
Longva bibliotek: torsdag 2. april kl. 15-17
Haramsøy bibliotek: fredag 3. april kl. 16-18
Skodje bibliotek: torsdag 2. april kl. 12-15 og fredag 3. april kl. 12-15.

Hugs å halde trygg avstand og ta hensyn til smittefaren. Har du luftveissymptom eller sit i karantene, kan du ikkje hente bøker, men kan sende ain annan for å hente for deg.

Biblioteket kjem med dette tilbodet først og fremst til dei som ikkje kan nytta det digitale tilbodet, men er og tilgjengeleg for andre lånarar.

  • Treff: 355

Tips til aktivitetar

I desse koronatider arrangerer Ålesundsbiblioteka lesebingo med frist for levering 14. april. Her finn du skjema.
Verdas poesidag er på laurdag 21. mars. Her er ein artikkel frå Bibliotekutvikling Vestland med tips til poesi om å vere åleine saman, og om vennlegheit og vilje til å ta vare på kvarandre.

I Nasjonalbiblioteket sitt digitale bibliotek kan du lese tusenvis av bøker utgitt før år 2000 i fulltekst. Prosjekt Gutenberg tilbyr e-bøker utan copyright, dei fleste på engelsk. Verdensbiblioteket tilbyr e-bøker og e-lydbøker på språk frå heile verda.

Bamble bibliotek og litteraturhus har ei rekkje tips om karanteneaktivitetar for barnefamiliar, m.a. gratis lydbok om Brillebjørn og Billedbokhylla, der du finn mange hundre digitale billedbøker for dei minste.

I NRKs TV-arkiv finn du mange godbitar frå tv-historia.

Tips om nettsider: karanteket.no (Nordland fylkesbibliotek), bokelskere.no, goodreads.com, nrk.no/kultur/bok, kvardagsbiblioteket.no

Tips om podkastar: NRK bok, podkastar frå Litteraturhuset, Kjente bøker på 4 minutter (NRK), Leser søker bok, Pokastar frå bibliotek (forslag nedst i artikkelen).

Følg elles med biblioteket på Facebook og Instagram. Vi har laga ei side kalla den digitale bokklubben på Facebook for å skape liv og engasjement omkring litteratur!

  • Treff: 364

Ålesundsbiblioteka inviterer til digital bokklubb

Det er mange som sit aleine no, utan nokon som kan komme på besøk og halde ein med selskap. Då er det kjekt å kunne vere saman aleine gjennom litteraturen.

Litteratur kan vere ein stad å søke tilflukt, drøyme seg bort til ei anna verd og finne nye perspektiv på tilværet. Litteratur kan også vere eit sosialt samlingspunkt gjennom blant anna diskusjonar, boksirkel og boktips. I desse tider tenkjer vi ved Ålesundsbiblioteka at vi treng meir av dette, og vi har derfor oppretta ein digital bokklubb på Facebook kor ein kan samlast om litteraturen, sjølv om biblioteket er stengt og vi sit i kvar vår stove. Håpet vårt er at dette kan vere ein sosial plattform for deling av litteratur – kva ein les, kva ein ynskjer å lese, inspirasjon, tips og liknande. Alle er hjarteleg velkomne til å dele av sine leseliv, anten det er i karantene med kaffikoppen, ein litteraturpodkast på tur i skogen eller to sider på sengekanten etter ein travel dag på jobb. I den digitale bokklubben vil vi også dele tips, digitale bokarrangement og liknande.

Link til Facebooksida

  • Treff: 136

Lær å lage podkast

 

I ei annleis tid vil nokon ha behov for å prate om det som skjer. Andre har behov for å prate om heilt andre ting. Ålesundsbiblioteka ønsker i denne tida å tilby ulik digital formidling. Eit av tiltaka er enkel innføring i lydinnspeling, slik at du kan sitte heime og lage podcast heilt sjølv.

Torsdag 26. mars kl. 11.00 vert det direktesending om korleis ein kan lage podcast.
Stad: Skodje bibliotek si Facebookside.
Mågruppe: Frå 8 år.

Podcast er ein av aktivitetane barn og unge utforskar i prosjektet Skaporama. I denne direktesendinga vil barn og unge kunne lære seg å bruke lydinnspelingsprogrammet Audacity. Deretter er det berre å slå seg laus heime. Send oss gjerne lydfila om de ønsker at vi publiserer ho på SoundCloud: .
Skaporama er eit prosjekt i Ålesundsbiblioteka. Støtta av Møre og Romsdal fylkeskommune og sponsa av: Sparebanken Møre, Haram frivilligsentral, I.P Huse AS, Nogva Motorfabrikk AS, Samfjordkvartalet AS, Haram Næring og Innovasjonsforum, OptimarStette AS og A-team Bil AS.

  • Treff: 263
Ålesund kommune

Ålesund bibliotek
Hovudbiblioteket: Keiser Wilhelms gt. 15, lavblokka på rådhuset, 2. etg.
Tlf: 70 16 22 60 / 70 16 22 51